مقارنه خفيفة بين الشباب والبنات

بسم الله الرجمن الرحيم

جايبلكم النهارده اربع مقارنات بين الاولاد والبنات

ومحدش ينكر ويقول ان الكلام ده غلط

انا عن نفسى اعترف بان الموضوع كله صح وواقعى

بلاش اطول عليكم واسيبكم مع الموضوع مع .....

المقارنه الاولى

بالنسبه للفتاه
لو شافت مره واحد لاول مره واعجبت بيه تبصله من تحت لتحت عشان ميتفضحشى امرها والناس تتكلم عليها

اما بالنسبه للولد
لو شاف واحده لاول مره واعجب بيها يلف وشه 360 درجه وتلاقى يا عينى نص سكان المنطقه عرفو هو بيبص ليه ويتفضح امره والناس تتكلم عليه

المقارنه الثانيه

بالسبه للفتاه
لو لقت قط غريب فى البيت بتروحله وتطبطب عليه وبتاخده تاكله وتروح للباب تحطه بره وتغنيله اسفه لاصاله والسبب ان ابوها مش بيحب القطط فى البيت
وتعد القط انها هدخله غدا والمسكين يستنى لبكره ويبات فى البرد

بالنسبه للولد
فامبيصدقشى نفسه لما يلاقى قط فى البيت بيتخيل نفسه زين الدين زيدان
ويسدد ضربه حره وفجاه يجد القط نفسه مسدد به خارج النافذه وهو طاير بيقوله منك لله يا شيخ لحد ما يعتر فى صندوق زباله تاخده

المقارنه الثالثه

بالنسبه للفتاه
حين يجد مرعب النساء فى المنزل طبعا كلنا عارفينه ( الصرصور ) تصرخ جامد اكنها بتلحن سيمفونيه بتهوفن من جديد وتجرى تجيب المبيد وتجرى على الصرصور وتقوله حتموت يعنى حتموت والله لاموتك والصرصور بيضحك على خفه دمها لحد ما ابوها يجى وينزل عليه بالقباب

بالنسبه للولد
بيتغر فى نفسه بقا ويقول للصرصور جيتلى لوحدك محدش جابك يعمل فيها بقا رامبو ويصطاد الصرصور ويقطع رجله الاولى ويقوله
بابا فين
الرجل التانيه : ماما فين
الرجل التالته : اخواتك فين
الرجل الرابعه : ساكن فين
بكده يكون تمت عمليه التعذيب ومازال الصرصور حيا
يسيبه صاحى مشلول من غير ارجل عشان يبقى عبره للى هيجى البيت من شله الانس والفرفشه شله مرعبين النساء

المقارنه الرابعه

خناقه بين بنتين ما بنسمعشى الا ..؟؟؟؟؟

انتى حماره
انتى اللى ستين حماره
الزمى حدودك انتى اللى ستميه وستين حماره
ياااه انتى جريئه اوى انتى اللى ست الاف ستميه وستين حماره
لحد ما يوصلو للعد 6666666666666666666666666 من الحمير

اما بين الاولاد فا عينك ما تشوف الا النور الضرب تحت الحزام
وبعد الخصام يحلى السلام

------------------------------------------------

وبكده نقول مات الكلام ولما نقول مات الكلام نقول يلا سلام

*-..-*-..-*-..-**-..-**-..-*-..-*

اذا مات الحب مات القلب واذا مات القلب مات الجسد

تسلم ايدك
وكويس ان كل واحد عارف نفسه
شكرا على موضوعك يااحمد

اولا :باااااااااااااااااااااااااااااااااااك
ثانيا : موضوع حلو والحمد لله الحمد لله انو انتو عارفين الفرق بين البنت وبين الشب , يعني الحنيه فييييين؟ عند البنت
العنف فييييييين؟ عند الشباب , بعدين ليه البنات هيك عملو؟ ليه تقالها يا حماره عيب عليها دي بتقلل مين قيمتها هي لازم تقلها يا حيوانه وبعدين البنت تنقي الصنف الي هي بتحب هههههه.

موضوع صائب يا احمد

طبعا انا وانت احياء على طول بحبنا موضوع هايل بس انا مش بخاف من الصرصور