مذكرات بنـــــــت

ازيكم يا جماعة فكرت من زمان اكتب قصه واستنيت لغاية مالقيت قصه فكرتها عجبتني

شوفوا ياجماعة

كان يا مكان ما يحلى الكلام الا بذكر النبي عليه الصلاة والسلام ماتصلوا عالنبي

كان زمان فيه واحدة اسمها د اتولدت في وسط عيلة كويسة اوي ومحترمة
وطلعت لقت باباها ومامتها بيحبوا بعض جداا وبيحترموا بعض
كبرت د قدام باباها ومامتها وكانوا فرحانين بيها وكانت دلوعة العيله
مع ان كان ليها اخت اصغر منها لكن انا هنا هركز على د
ما حدش يلخبطني بقى

المهم جه اول يوم هتدخل فيه د الحضانه وطبعا مامتها كانت بتعاملها على انها كبيرة
. وقعدت تفهمها انها ما تعيطش هناك وماتبقاش زي الاطفال الوحشين
وفعلا راحت د الحضانة وقالت باي لماما وقعدت تبص حواليها
بقرف ايه الولاد والبنات اللي بيعيطوا دول اما عيال صحيح ايه ده
ده انا كبيرة اهه ومش بعيط وجه الطابور المدرسي وبصت د حواليها باذبهلال وقالت
: ايه ده هم موقفينا كده ليه .ايه ده ده الطابور بيتحرك هم هيودوني فين انتي فين يا ماما
.وبعد دقايق عرفت د هي راحت فين ده راحت اوضه كبيرة فيها طربيزات كتير وكراسي
...اه ده الفصل اللي ماما قالتلها عليه وقعدت في المكان اللي الميس قالتلها عليه
وبصت وراها لقت دولاب كبير يا ترى فيه ايه لكنها بصت قدامها لما المدرسة بدإت كلام
...وعرفت بعد كده ان ده دولا للألعاب هيييييييييييييه هنلعبM_HEEEH
يوم ورا يوم بدأت د تتعود على الحضانة والمدرسات
وفي يوم وهي بتاخد حصة عربي طبعا على قدها يادوب حرف الجيم
وطبعا ماكانتش فاضية تبص على السبورة لأنها مشغوله بمجلس القمه مع 3 بنات تانيين
وبيتكلموا عن علبة عصير اللي هي منتهى املهم وامتى هتيجي الفسحة وفجأة هوووب ايه
ده لقت المدرسه جت اخدت علبة العصير منهم وحطتها فوق الدولاب وهي عينها هتطلع عليها لكن ماباليد حيله
انتبه لحرف الجيم ده وخلاص ويارب الحصة تخلص
و هيييييييييييييييييييييييييييييييييييييييييييه هييييييييييييييييييييييييييييييه هييييييييييييييييييييييييييييه
جرس الفسحة ضرب واخدنا العصير ورحنا الكانتين ياااااه قد ايه صعب حرف الجيم وايه شكله ده
.. ده تخين اوي ماعلينا اهم حاجه العصير رجعلنا

وبعد فترة كانت د قاعدة مع ماما بتذاكر انجليزي وماما عملتلها دفتر صغير اوي
وكتبتلها اسئله ود حلتها صح فماما كانت فخورة بيها وقالتلها توري الدفتر ده لمدرسة الانجليزي
وهي ما كدبتش خبر وورته للميس تاني يوم وطبعا مناخيرها في السما ..مش حلت الاسئله كلها صح
ومر شهر ورا التاني وخلصت السنه وجت الاجازة هييييييييييييييييه
الحمدلله ده كانت تجربة جميله خاصة انها جابت الفولمارك في الامتحان وبابا وماما كانوا طايرين بيها