للبنات فقط ........ اذاى توقعى اتخن ولد فى دباديبك ؟

<HR style="COLOR: #eb6e6d" SIZE=1>

بسم اللة الرحمن الرحيم

اى خدمة يا بنات وصفات توقع الولا على بوزة

ازاى توقعى الولد فى حبك :

أولا : الولد بيحب البنت الرقيقة
رفعوا صوتكم يا بنات .
و أول ما تشوفى حاجه وحشة .. سورقى (يغمى عليكى) من كتر الرقة
عيطى كتير . العياط دليل على الاحساس المرهف . أوائى له .. نكدى عليه الليلة .

ثانيا : الولد بيحب البنت الرومانسية
سبلى له .
اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان لك علاقات كثيرة مثله
:دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا : الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .
سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيره .

تاسعا : عددى مواهبك
اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا : رغم حبك الشديد للحريه والانطلاق
قوليله انت مالك وقتى وتفكيرى مش عارفه اعمل حاجه الا انى افكر فيك
مليت على ايامى شغلت لى الزمن
النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .

ملحوظة : كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك .

نصائح مجنونة جدا

و انا مش هقول رايى الا لما اشوف ردود البنات على المنتدى
يلا و رونى الردود


تقبلوا تحياتى

السلام عليكم ورحمة الله وبركاتة
مرسى ليكى اوى اخت ليالى انا جديدة فى المنتدى بس موضوعك حلو اوى وضحكت اوى والله من الكلام دة بس بصراحة انا مش عجابنى انى اعمل كدة خالص ودة عن نفسى لان موضيع ان الشاب يحب بنت ويرتبط بيها دى كلها نصيب بتاع ربنا مش بانها تعمل الحااجات دى وكمان بصراحة فيها حاجات اوفر اوى ولازم البنت تكون على طبيعتها وتبقا اخلاقه كويسة ومحترمة وتراعى ربنا فى الانسان الاهيرتبط بيها قبل ماتعرفه مش تفضل تعمل خطط ازاى توقع الولاد فى حبها يعنى كلامى مش مظبوط بس الموضوع حلو بجد اوى وبيضحك اوى اوى انا فضلت اضحك من الكلام دة وكل لما اتخيل بنت ممكن تعمل كدة حاجة صعبة اوى الخطط والكلام دة ومرسى كتير ليكى عشان ضحكتينا اوى ومن قلبنا تسلمى حبيبتى

هههههههههههههههههههههههههههههههههههه
اسف انى بدئت كلامى بضحكة واسف كمان انى الموضوع دة للبنات فقط بس اسف مضطر ارد لانوا موضوع يستاهل الرد علية

اعذرونى يا جماعة الموضوغع بجد مش بس ممتاز دا افضل من الممتاز دا موضوع تحفة كل ما اقرأ الكلام واحس انى البنات بتعمل كدا يخرابى بموت على نفسى من الضحك بس فعلا انتى جبتى الواقع مش الخياااااااااال تسلم ايدك بجد على الموضوع دة ونتمنى المزيد
تقبلوا تحياتى

شكرا سمير لمرورك نورت الموضوع

انا قريت الموضوع بس مش هارد لان كل واحد عارف نفسه كويس
يعنى البنت هتتحايل على الولد عشان يحبها
قال خليكى رومانسية طيب هى مش بتحب الرومانسيه هاتنصب عليه يعنى
وكمان تقوله شايف القمر ليه هى بتحب واحد كفيف
هههههههههه

انا مش هرد عليك ياأحمد علشان انا قاعده احفظ البنات كلمتين حلوين علشان خاطر عيونكم
بس للاسف انتو مش بتفتكرو الجمايل
ايه يعنى لما تقولو شايف القمر ياعتريس دى رومنسيه
يالا هنعمل ايه مضطرين نستحملكم
شكرا لمرورك يااحمد

ههههههههه
حلوه اوى احفظ البنات كلمتين عشان خاطرنا دى عزه
معنى كدا ان البنت مش تفهم اى حاجه عن الرومانسية والحب
وبعدين الرومانسية والحب مش شرط شايف القمر ماهو بيشوفه كل يوم
ياله بقى مش مهم مضطرين عشان خاطركم مش نزعل حد