الشباب قبل وبعد الجواز

دلوقتى .. نبص على الشباب قبل الجواز ..

هتلاقى انهم بيعملو ايه .. الكلام الحلو .. الاماكن الرومنسيه .. ماهو صايع باه .. معاه شويه فلوس ..

و عايز يعمل نمره على الحته بتعتو ..

بعد الجواز هى كل شهرين .. تروح مكان و مايكنش غالى .. و نسمع الكلمه ديه كتير ..

هو انا بسرق الفلوس .. لا مش بتسرقها ولا حاجه .. بس انت بتجبها علشان تصرفها ..

مش علشان تحوشها معاك .. ما تفهمش ايه البخل .. الى حط عليه بعد الجواز ..

قبل الجواز .. ماسك فى ايد خطيبتو .. او مشبكين صوابعهم فى صوابع بعض .. و مخلى بالو منها على الاخر ..

و خايف عليها من الهوا .. و يكونو مشين على الرصيف .. و يقلها .. حبيبتى .. تعالى جنبى علشان العربيات ..

مش علشان تبقى لازقه فيه لا .. علشان دلوقتى العربيات ببطلع على الرصيف .. ديه الموضه ..

و لو راكبين عربيه .. طول السكه يسمعها فى اغانى رومنسيه .. عبد الحليم .. نجاة .. تامرحسنى .. عمرو دياب ..

بعد الجواز باه .. هى اغنيه واحده طول الطريق .. غلطه .. هانى شاكر ..

تلاقيهم ماشين فى الشارع .. و هو ماشى قدامها ب 30 متر ..

و بيبرطم .. نسمع باه البرطمه .. هو يوم اسود .. انا عارف ان اليوم الى بخرج معاها في لازم يكون نكد ..

ربنا يريحنى منك على خير ..
قبل الجواز .. البنوته .. تبص بس على الفستان .. تلاقى الاستاذ بدء يلف و يدور .. عجبك يا روحى الفستان ..

طيب ما تيجى نخش نشوفو .. و فى ثانيه .. او اقل من ثانيه .. الفلوس تطلع .. و يعد .. و يدفع ..

بعد الجواز تقف قدام محل ملابس .. تبص على فستان .. او عبايه غريبه من بتعوها ..

يبدء يتكلم فى اى موضوع .. علشان ينسيها موضوع الفستان ..

تقولو طيب مش هانشوف الفستان .. يقلها عاجبك الفستان .. هى ترد اها جميل ..

خلاص هاجيبك كل يوم تتفرجى عليه .. المحل مش بعيد .. يلا باه ..

و لو ركبين عربيه بأه قبل الجواز .. حبيبتى تحبى .. اقفلك الشباك .. جيبلك هوا .. طيب افتحو سنه صغيره .. طيب مش عارف ايه ..

بعد الجواز تقولو .. اقفلى الشباك .. يقلها ..

و هو انتى ايدك اتكسرت .. بعصبيه باه و شو كلو دم .. ترفعى الاكره كده و تنزليها تانى .. مش صعبه يعنى ..

ده جزء بسيط من حال .. الشباب قبل وبعد الجواز ..

و ربنا يهدى ال ..